九龍站君臨天下極高層複式呎售5.5萬 冠絕九龍

君臨天下呎售5.5萬 冠絕九龍
經濟日報 
5/24/2012


君臨天下極高層複式，呎售5.5萬元，一舉成為九龍住宅呎價之冠。


九龍站凱旋門57樓單位，上月以1.25億售，呎價49662元。


【經濟日報專訊】市區豪宅過去數月造價頻破頂，九龍站君臨天下一個極高層複式戶，由科譽（香港）創辦人嚴志明，以逾1.24億元購入，呎價達5.5萬元，呎價冠絕全九龍住宅，單位8年升值逾3.5倍。


上述創出新高價的君臨天下單位，為2座77樓複式C室，單位面積約2,257平方呎，土地註冊處資料顯示，在上月底以超過1.24億元轉售，並連兩個車位，呎價5.5萬元，創全九龍住宅呎價新高。


新買家為嚴志明（Yim Chi Ming Eric），是科譽（香港）有限公司的創辦人、主席兼行政總裁。據了解，科譽經營辦公室家具設計、製造和營銷業務。代理間流傳嚴氏除上述單位外，近日也在九龍站屋苑購入另一個一手物業，惟消息未經證實。


http://easss.com/jewelry/bluenile


3房1套間隔 望維港煙花景
原業主就早在04年斥資僅2,717萬元購入，呎價僅約1.2萬元，如今沽貨帳面勁賺近9,700萬元，升值逾3.5倍。惟賣方金僑國際集團有限公司，在06年間曾轉換董事，不排除物業曾透過「賣公司」形式易手。


上述創新高呎價單位，屬複式戶，3房1套房間隔，外望維港煙花景。有區內代理透露，雖然單位並無豪華裝修，但在市場上放盤僅兩星期已獲承接，當時叫價逾1.25億元，嚴氏睇樓後，在幾乎沒有議價下與賣方達共識。


是次能造出高價，相信是因為現時二手市場上沒有同類型單位放盤所致。


陽明山莊高層 呎售1.67萬
事實上，九龍區豪宅（屋地除外）呎價紀錄內，首十位均由九龍站物業所創，而且大部分呎價已超過4萬元，直迫南區甚至部分山頂豪宅的呎價水平。


至於九龍區對上一次所造的呎價紀錄，同由君臨天下複式戶所創，去年9月一個1座複式，以呎價5萬元成交，今次的新紀錄足足將舊紀錄再推高1成。


其他二手豪宅方面，消息人士指，君臨天下2座中層F室，面積1,390平方呎，售2,650萬元，呎價1.9萬元。


另大潭陽明山莊9座高層57室，面積2,764平方呎，以4,620萬元售出，呎價1.67萬元。


半山壹號中高層 蝕220萬
何文田半山壹號再有蝕讓個案，利嘉閣高級經理郭兆峯稱，半山徑29號中高層，作價1,800萬元，呎價1.1萬元。賣方在08年以一手價1,946.8萬元入市，今番轉手帳面虧蝕146.8萬元，若連同印花稅及代理佣金等交易使費，料蝕逾220萬元。

房協深水埗喜雅平均呎價7723元 高於區內二手 市民嗌貴

港人港樓頭炮 喜雅呎價7700 高於區內二手 市民嗌貴
明報 
5/22/2012


【明報專訊】為避免內地客炒高港樓，昨天開價的房協深水埗喜雅，終落實只限售予持香港身分證港人購買，屬本港破天荒的賣樓做法。雖然樓盤聲稱「實而不華」，但售價卻貴過不少同區二手私樓。以昨日公布的首張價單所見，以訂價計首批60伙平均呎價7723元，入場費更貼近400萬元。


項目以抽籤形式發售，將於下月3日截止申請，並於下月9日揀樓。有代理指出，市區400餘萬元的新盤選擇不多，加上項目實用率較私人發展商項目高，預期市場反應將甚為理想。市場消息指，該盤至昨晚為止，已獲逾1000張入票。


喜雅為房協自03年推出將軍澳怡心園以來，9年來首個私樓發售項目，亦是房協在深水埗多個新盤的頭炮，項目聲稱為「港人港樓」，不會有「無謂的奢華」，開放示範單位後，連日來吸引不少睇樓客參觀，即使是昨日下午，仍有近200名睇樓客在門外排隊。


http://ramsss.com/hk


入場費近400萬 下月9日揀樓
房協於昨晚終在網上公布售價及發售安排，項目首批60個單位全部位於第2座，並以中低層單位為主，面積由567至777方呎，呎價及訂價最平單位為6樓E室（5樓為最低層），面積570方呎，兩房間隔、面向保安道美寧中心樓景，訂價399.4萬元，呎價7007元；最貴單位則為27樓F室，面積777方呎，三房間隔，享園景，訂價684.1萬元，呎價8804元。市場人士稱，房協將於今明兩日分階段加推，首階段合共推出120伙，而餘下之單位則於下月9日後再推出市場，而特色戶則於最後才推售。


房協設首2年免息二按
與私人發展商一樣，喜雅除提供建期(以訂價計)款付外，亦設即供優惠(以訂價減5%)。另房協亦提供最高樓價兩成之二按(以訂價減2%)，首兩年免息，期後按息則為最優惠利率（P現為5%計）。該盤將會以抽籤形式發售，由即日起至下月3日遞交20萬元本票及認購申請表，抽籤將於下月6日進行，並於下月7日公布。


只限港人購 不設轉售限制
此外，房協亦為買家設有限制，包括只接受持有香港身分證之香港居民(但毋須為永久性居民)、只接受私人名義購買、每人限購一伙，但早前房協聲稱研究加入五年禁售期，則未包括在內。買家買入單位後亦可自由轉售。


中原亞太區總裁(住宅)陳永傑認為，今次喜雅定價屬市價推售，未有明顯「優惠」，不過，以一般單位訂價400餘萬元計，市區新盤的選擇不多，加上實用率較一般私人高，且提供二按，比較適合用家，故預計開賣反應不俗。


明報記者 林尚民

買樓前必要做的事

買樓前必要做的事
商業電台 – 2012年5月17日星期四


身邊越來越多朋友結婚，亦越來越多人置業，相信這就是所謂的「市場需求」，同時間，亦收到的求救亦越來越多。當然有些問題，同業主傾下會搞得掂。


不過有個必死的問題，就係簽咗「臨約」先知唔夠錢，跟住屋企人又冇咁多借出嚟，依一下撲水只可以用三個字形容，「領晒野」。


http://digcan.com/loans


買樓同買菜係兩件事！


好多人以為買樓，同買菜一樣咁簡單，只不過係銀碼大幾十萬倍咁多，只要好似平時落街買菜咁講下價，就會買到荀野，甚至高價入咗間公屋都唔知道。


首先就係要認清楚角色，你會日日去街市阿嬸到買菜，所以阿嬸就算「呃秤」，都唔會太盡，因為佢需要你下一次返去幫襯佢。不過業主或者經紀就唔同啦！假如佢地認定你為用家，即係做一次之後，過幾年都再開唔到單嘅客，佢地當然一次過賺盡佢啦！


識玩嘅業主就會獅子開大口咁叫價，而經紀為咗促成交易，係乜都講得出的。


第一次睇樓要小心


試過有兩位朋友Winnie同Ben計劃結婚，第一次去睇樓就出事。經紀慣常咁帶咗佢睇三個盤。一個低層單位叫價290萬、一個中層開揚景叫295萬，另一個高層樓景叫298萬，三個都係約600呎。


睇完低層高層單位後，兩位認為都麻麻，途中經紀大哥當然係到不斷落藥，製造今日唔買樓，聽日就買唔返嘅氣氛。升市時，最常用嘅一招，問你幾多錢人工，你當然會亂咁答佢，加埋3萬到啦！佢就會同你講，咁當你地每個月搵5萬銀，下年加人工10%好唔好，即係一年搵多6萬。再叫你估下樓價上個月到宜家升咗幾多？一間差成20萬呀！


兩位準新人即時緊張到爆。去到最後一個單位嘅時候，準新娘Winnie好驚買唔到樓結婚，而準新郎Ben又冇乜意見，最後佢地就叫個經紀同業主講，可唔可以平5萬，290萬就買啦！


依個時候，經紀當然會扮晒野，同佢地話好啦！同時間，另一位經紀就會出現，叫佢地落少少訂，比啲誠意個業主先會受，就算冇支票係身，都冇所謂，去ATM提款先都得。


就係咁兩位就比人夾咗去，拎一萬銀出嚟，然後被洗腦之下，簽咗「臨約」。當晚半夜收到經紀大哥電話，恭喜晒兩位終於成為業主！


買樓錢從何來？


可能因為我地個社會一直強調，年青人儲唔到首期，所以買唔到樓，所以造成咗一個錯覺，就係儲到一成首期，就可以買樓。


請留意！係一成首期，另外九成係銀行借出來的。


原來佢地同經紀一路傾價嘅時候，竟然冇去銀行估過價，更正確啲咁講，佢地竟然唔知要估價。第二日去間大銀行到先知，估價得260萬，同成交價290萬差一截，最後去咗另外幾間銀行到死估爛估都係得275萬。


條數是咁的，275萬借9成，即係銀行最多出247.5萬。


樓價: 290萬


銀行借出: 247.5萬


佢地要比嘅錢: 290萬 -  247.5萬 = 42.5萬(比預期29萬，多13.5萬)


正所謂「禍不單行」，釐印費、佣金、律師費，多謝成為10萬，又係冇諗過。正係聽過經紀講，做按揭有1%回贈，絕對夠比佣金的。


好彩嘅係，兩位80後有結婚計劃，仲有一啲積蓄，但就係因為依件事，兩位就不斷為婚期鬧教，何苦呢？


買樓前必要做嘅係，唔該請記住打去銀行到估價！


撰文：天藍